Naxçıvan Muxtar Respublikasının Dövlət Şəhərsalma və Arxitektura Komitəsində Təltifetmə Mərasimi keçirilmişdir️

Azərbaycan Respublikasının Prezidenti İlham Əliyevin 24 iyun 2024-cü il tarixli Sərəncamı ilə dövlət qulluğunda səmərəli fəaliyyətinə görə Naxçıvan Muxtar Respublikasının Dövlət Şəhərsalma və Arxitektura Komitəsi Şəhərsalma nəzarəti şöbəsinin müdiri Qasımov Mahir Hüseyn oğlu “Dövlət qulluğunda fərqlənməyə görə” medalı ilə təltif edilib.

Bu təltif Mahir Qasımovun şəhərsalma və memarlıq sahəsində uzun illər ərzində göstərdiyi peşəkar fəaliyyətinin və dövlət qulluğundakı nümunəvi xidmətlərinin yüksək qiymətləndirilməsinin bariz nümunəsidir.

🔹 Tədbirdə çıxış edən Naxçıvan Muxtar Respublikasının Dövlət Şəhərsalma və Arxitektura Komitəsinin sədri İlqar Sadıqov ölkə başçısının dövlət qulluqçularının əməyinə verdiyi dəyəri vurğulayıb, bu təltifin Naxçıvan Muxtar Respublikasında şəhərsalma sahəsində çalışan mütəxəssislər üçün böyük stimul olduğunu bildirmişdir

🔹 Təltif edilən Mahir Qasımov göstərilən etimada və diqqətə görə minnətdarlığını bildirib və bundan sonra da şəhərsalma sahəsində layiqli xidmət edəcəyini vurğulayıb.

 Təbrik edirik! Dövlət qulluğunda peşəkar və məsuliyyətli fəaliyyətinizdə uğurlar arzulayırıq!